CEBU, Philippines - Gipusil patay sa duha ka wala mailhing tawo ang usa ka lalaki samtang natulog tapad sa asawa kagahapon sa kadlawn sa Carreta, Siyudad sa Sugbo.
Ang biktima nga si Eduardo Carza, 34, ang kalit lang gipusil upat ka higayon samtang natulog sa ilang barong-barong daplin sa karsada kauban sa kapuyo.
Nakaangkon og samad pinusilan sa nawong, dughan ug duha sa kamot ang biktima kinsa dali pa nga nadala sa tambalanan diin gideklarar nga patay na.
“Dili pa sad mi maka-ingon nga drug related siya. Amo pa ning subayon,” matud ni PO3 Winston Ybañez.
Ang igsuon niingon nga wala’y kaaway ang biktima. (/GMR) (BANAT NEWS)