^

Banat Balita

Manhunt batok Ex-mayor gilusad

Jojo Ugdol - Banat

CEBU, Philippines - Molusad og manhunt operation ang Cebu Provincial Police Office pagpangita sa kanhi mayor sa Lungsod sa Aloguinsan kauban ang laing pito ka opisyales nga nalutsan og warrant of arrest gumikan sa kasong anti-graft and corrupt practices   act.

Niadtong adlaw nga Miyerkules ang mga sakop sa Provincial Intelligence Branch (PIB) mihatud sa warrants of arrest batok ni kanhi mayor Cynthia Moreno nga gipagawas sa Sandiganbayan First Division apan wala kini sa ilang balay.

Samtang ang laing pito nga dakponon mao sila si Municipal Assessor John Lim, Municipal Budget Officer Nonela Villegas, Municipal Civil Registrar Pepito Manguilimotan, Municipal Agricultural Officer Marilyn Flordeliza, Municipal Engineer Orven Nengasca ug duha ka mga utility workers nga sila si Emilia Luz Celis ug Gertrudes Ababon. Apan ang pito wala gihapon maabti sa mga polis.

Si Noble nanawagan hinuon kanila nga boluntaryo na lang nga motahan kay sa kadugayan masikop ra gihapon sila.

Dako  hinuon ang pagtuo ni Noble nga ania pa sa Sugbo si Moreno.

Nakig-alayon na sila sa Aviation Security Group  kung plano nga mogawas sa Sugbo agi sa mga tugpahanan.

Plano ni Noble nga ibutang sa Facebook page sa  CPPO ang mga hulagway nilang Moreno kauban ang kopya sa warrant of arrest aron makatabang nga masikop sila.

Si Moreno kauban ang laing pito nalutsan og warrant gumikan sa gikatahong pagpalit niini og mga construction materials kantidad usa ka milyon ka pesos nga wala miagi sa bidding niadtong tuig 2007.

Misuway na sila og apelar duha ka higayon sa Korte Suprema apan gidasonan sa korte ang desisyon sa Sandiganbayan. (BANAT NEWS)

MANHUNT

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with