CEBU, Philippines - Ipakatap ang 12 ka fire trucks sa agian sa rota sa prosesyon karong Sabado ug grand parade sa Domingo.
Kini ang gipahibawo ni Supt. Samuel Tadeo, regional director sa Bureau of Fire Protection-7.
Matud ni Tadeo nga Sabado sa gabii ilang ipahimutang ang mga fire trucks lakip sab ang ilang medical teams ug usa ka ambulansya.
Kung adunay dagko nga alarma nga motumaw, mahimong kuhaon ang mga fire trucks ug motubag sa alarma.
Dugang ni Tadeo nga nakig-alayon sila sa ubang fire stations sa amihanan ug habagatang bahin sa Probinsya sa Sugbo nga motabang sa mga fire stations nga gigamit ang mga fire trucks nga gipakatap sa mga gidesignar nga lugar.
Gitug-an ni Tadeo nga atol sa Sinulog, unang higayon usab nga adunay float ang BFP-7 nga moapil sa grand parade. (BANAT NEWS)