^

Banat Balita

Digung wa tagai og US Visa kaniadto

Banat

CEBU, Philippines - Giangkon ni  Presidente Rodrigo Duterte nga wala siya hatagi kaniadto og United States visa dihang plano unta niyang duawon ang iyang uyab sa kolehiyo kaniadto.

Sa report sa GMA News.tv, giangkon niya kini sa Filipino community sa Beijing, China atol sa pagbisita niya didto alang sa pagpalig-on sa relasyon sa duha ka nasud.

Mireklamo si Duterte kun nganong mga Amerikano kun moanhi sa Pilipinas visa-free man apan kun ang mga Filipino ang moadto didto lisud-lisuron man. Sumala pa niya mas maayo pang tablahon na lang tanan.

Atubangan sa Chinese communist officials ug business leaders sa Beijing, gianunsiyo niya nga putlon na niya ang alyansa sa Pilipinas ug Amerika sa ekonomiya ug militar kay mas gustohon pa niya ang China.

Apan si US Ambassador Philip Goldberg gusto nga klaruhon kun unsa ang gipasabot ni Duterte sa pulong nga ‘separation’ o pagbuwag na sa Pilipinas ngadto sa US.

"Quite frankly, I don't know what he means by a separation... Our relationship on the economic side is very strong so we need further clarification on that," matud pang Goldberg sa report sa GMA News.Tv.

Sumala pa niya lig-on ang ilang baruganan nga suportahan ang Pilipinas, dunay defense treaty ang duha ka nasud ug ilaha kining barugan apan wala siya masayod karon kun unsay naa sa hunahuna sa habig sa Pilipinas bahin niini.

Sa pagkakaron, ang Amerika mao ang nagpatukod sa 200-kilometrong karsada sa Samar  kauban ang Millennium Challenge Corporation aduna pay mga humanitarian assistance, scholarship offers, ug disaster relief operations nga maoy sagad buhaton sa magkaalyadong nasud.

Ang US mao ang ikaduha sa listahan sa kinadak-an og natampo o donasyon ngadto sa mga biktima sa bagyong Yolanda pinaagi sa ilang kapin 90 milyones dolyares sunod sa United Kingdom nga miabot og 122 milyones dolyares.

Samtang ang China ika-37 lang sa 39 ka nidonar pinaagi sa kapin 1 milyon dolyar ug ika-22 ang Russia sa ilang kapin 5 milyones dolyares nga kinatibuk-ang natabang sa Yolanda rehab-effort sumala pa sa post ni British Ambassador to the Philippines Asif Ahmad sa social media. (BANAT NEWS)  

US VISA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with