Hostiya gisuka sa bata
Decemay P. Padilla/GMR (Banat) - January 31, 2016 - 9:00am

CEBU, Philippines - Katuohan man o dili apan usa ka talagsaong panghitabo ang nitumaw niadto’ng Sabado sa Cebu City Sports Center diin gipahigayon ang first communion sa 5,000 ka bata isip tipik sa kalihukan sa 51st International Eucharistic Congress.

Kini human usa ka 8-anyos nga lalaki ang naglisud sa pagtulon sa hostiya diha’ng nangalawat na sila.

Ang bata taga Dakbayan sa Talisay.

Matud ni Rev. Fr. Vic Amplayo, ang pari nga nag-atiman sa bata, nga gitawag siya sa usa sa mga lay ministers kay adunay bata nga nisuka ug iya kini’ng giadto sanglit gusto usab niya’ng mahibawo kun unsa’y hinungdan.

Didto niya nahibaw-an nga dili matulon sa bata ang hostiya diin nagtuo sila nga nabag-ohan lang ang bata.

Dugang ni Fr. Amplayo nga gisuka gyud tanan sa bata ang hostiya nga mao’y nakahatag og kabalaka sa nga ginikanan niini.

Sa ikaduha’ng higayon subli kini’ng gihatagan og hostiya nga ka tunga lang apan gisuka lang gihapon sa bata.

Nasayran dunay nakahunghong kang Fr. Amplayo nga usa ka lay minister nga i-pray over ang bata ug gibuhat kini sa pari diin nag-ampo kini ug wala siya’y laing gisangpit gawas lang sa Labaw'ng Makagagahum.

Gisaysay ni Fr. Amplayo nga sa iya’ng pag-pray over samtang nagpiyong kini nakahilak ug human sa iya’ng gihimo’ng pray over subli kini’ng gihatagan og hostiya ug didto natulon dayon kini sa bata.

Giangkon sa pari nga human natulon sa bata ang hostiya nanglimbawot ang iya’ng mga balhibo ug matud niya nga pwerte niya’ng hilak. "Wala ko kasabot, normal ra ang iya’ng reaksyon (bata) unya wa ko kamatikod nga naay something nga lain, nabalaka lang pud ko sa huna-huna sa mga tawo so wala ma’y kumo sa pag-pray over most effective man gyud ang pag-ampo so mao to ako’ng gibuhat niya nahibong ko pagkahuman ug natandog gyud ko," matud ni Fr. Amplayo.

Gihulagway niini nga posible’ng daghan og rason ngano’ng gisuka sa bata ang hostiya apan iya’ng gihimug-atan nga ang importante natulon niini ang hostiya human sa pray over.

Gihimug-atan ni Fr. Amplayo nga kini ang labi’ng una’ng insidente nga iya’ng nasugatan.

Samtang ang hostiya nga gisuka sa bata gidala og balik sa kombento. (BANAT NEWS)

ACIRC AMPLAYO ANG BATA CEBU CITY SPORTS CENTER HOSTIYA INTERNATIONAL EUCHARISTIC CONGRESS IYA KINI NGA VIC AMPLAYO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with