^

Banat Balita

Senior citizens nga di hatagan og diskwento may abogado na

Rene U. Borromeo - Banat

CEBU, Philippines – Ang mga senior citizens nga dili hatagan og 20 porsiyento nga diskwento sa mga tagdumala og balay-patigayon destinohan og abogado sa Cebu City Hall aron ilang ikiha ang mga malapason sa balaod.

Si Acting Cebu City Mayor Edgardo Labella miisyu og Executive Order No. 16-4 kagahapon nga nag-deputize sa City Legal Office aron ang mga sakop niini maoy magsilbi nga abogado sa mga complainant.

Sayo pa, daghang senior citizens ang nangreklamo nga sa ilang pagpalit og mga tambal ug ubang kagamitan, ang mga tagdumala sa mga balay patigayon dili mohatag kanila og 20 porsiyento nga diskwento.

Ang Republic Act 9994, kon Expanded Senior Citizens Act of 2010, naglatid gyud sa mga benepisyo nga mapahimuslan sa mga senior citizens ug kadtong dili motuman sa balaod pahamtangan og silot.

Matud ni Labella nga ang Section 17 sa Local Government Code (LGC) naghatag og katungod sa mga opisyal sa kagamhanan nga tabangan ang mga senior citizens aron kaprotehean ang ilang katungod.

Ang kamandoan ni Labella naglatid nga ang mga abogado sa City Legal Office moabag sa mga senior citizens nga maandam ang mga kaso batok sa mga malapasong tagdumala og balay patigayon.

Sila usab maoy magsilbe nga private prosecutor ug maninguha atol sa husay sa kaso nga ang sinumbong makunbikto gayud sa korte.

Ang mga senior citizens mihangop kaayo niining lakang ni Labella tungod kay dugay ra sila nga gustong moreklamo apan wala sila’y abogado nga makaabag sa pagpasaka og kaso sa mga malapason.

Si Labella miingon nga ang mga senior citizens nga adunay reklamo modangop lang sa Office of Senior Citizens Affairs (OSCA) aron nga sila kagiyahan pag-adto sa City Legal Office.

Ang balaod naglatid nga ang kantidad nga mahatag isip diskwento sa mga senior citizens mahimo kini nga ibanon gikan sa bayranan nga buhis sa mga magpapatigayon.

Apan ang ubang magpapatigayon wala makagusto niini kay samtang mauli ra kanila ang kantidad sa ihatag nila nga diskwento, ang kwarta matanggong ug dili nila magamit hangtod nga mobayad na sila og buhis. (BANAT NEWS)

ANG

ANG REPUBLIC ACT

CEBU CITY HALL

CITIZENS

CITY LEGAL OFFICE

EXECUTIVE ORDER NO

EXPANDED SENIOR CITIZENS ACT

LOCAL GOVERNMENT CODE

MGA

NGA

SENIOR

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with