CEBU, Philippines – Usa sa mga nangulata nga nahitabo atubangan sa gate sa usa ka balay sa Juana Osmeña Street ning Dakbayan sa Sugbo atol sa mga street parties sa Sinulog nailhan na.
Ang biktima nga si Carlo Borromeo kinsa nakaangkon og bun-og sa iyang lawas ug nawong, mibutyag sa Banat News nga desidido na karon sila nga mopa-blotter sa kapulisan mahitungod sa hitabo. Kini human usa sa mga nangulata kaniya ilaha nang nailhan. Si Borromeo gitabangan og kulata sa di mominos lima ka mga lalaki nga nag-party atubangan sa ilang tugkaran nga iya untang gipapadaplin kay mogawas ilang sakyanan diha sa gate. Ang kapolisan pinaagi ni Chief Insp. David Señor niingon nga tungod sa kadaghan sa tawo adtong adlawa naglisod sila pagresponde sa mga alarma. – /EIM) (BANAT NEWS)