7 nagpagikan sa 2015 sa prisohan
Romeo Limpangog (Banat) - January 2, 2016 - 9:00am

CEBU, Philippines – Nadakpan sa nagpatrolya nga kapolisan sa Mandaue City Police Office ang usa ka tawo nga nisulay unta sa pagpanulis sa usa ka babaye sa dalan M.C. Briones, Guizo, Dakbayan sa Mandaue sayo sa gabii sa pagsugat sa Bag-ong Tuig.

Si Police Officer 1 Kilven Medrano sa Presinto 1 sa MCPO niila sa nadakpan nga si Gringo Maldo, 26-anyos, taga Sta. Cruz, Guizo, kinsa gitumbok nga nitulis ni Maria Alexandra Daelio, 23, nagpuyo sa mao’ng dapit.

Matud ni Medrano nga nag-atang og sakyanan ang biktima dihang kalit gitionan og armas sa suspek.

Nakuha sa suspek ang shoulder bag sa biktima nga may kuwarta nga wala matino ang kantidad, cellphone ug uban pang butang.

Ang Special Weapon and Tactics (SWAT) sa MCPO nga gipangulohan ni PO1 Alfredo Basilan nga nahiagi sa mao’ng dapit ang dali nga nakaresponde sa pagpangayo og tabang sa biktima hinungdan nga dali nga gigukod ug nasikop ang suspek.

Samtang nadakpan usab ang usa ka babaye nga nanguot sa pitaka ni Maria Leonora Decierto Paglinawan kinsa namalit sa merkado sa dakbayan alas 6 pasado sa gabii sa bisperas sa Bag-ong Tuig.

Ang suspek nga si Jossie Gamorot, 26, taga Barangay Looc sa maong dakbayan, nasigpatan sa laing kustomer nga nanguot hinungdan nga dali kining gisikop ug gitahan sa kapolisan.

Samtang laing lima ka tawo ang nisugat sa Bag-ong Tuig sulod sa bilanggoan human madakpi sa managlahing operasyon sa kapolisan sa Dakbayan sa Danao ug Lungsod sa Liloan.

Sa Barangay Yati, Liloan nadakpan ang usa ka Victor Manteja Alimorin, 32, usa ka habal-habal drayber kinsa nasakmitan og kalibre .357 ug mga  bala.

Samtang sa pantalan sa Poblacion, Dakbayan sa Danao nadakpan si Ferdinand de Guzman, taga Barangay Balibali, Lungsod sa Compostela alas 8 pasado sa pagsugat sa tungang gabii sa Bag-ong Tuig ug nasakmitan og .357 revolver ug mga bala.

Nadakpan usab alas 6 pasado sa bisperas sa Bag-ong Tuig ang tulo ka tawo nga nagsuyop og shabu sa usa ka payag sa Barangay Cogon-Cruz, Dakbayan sa Danao.

Si Police  Officer 2  Ronald Gomez sa Danao City Police Station niila sa nadakpan nga sila si Senen Lawas, 46, minyo, taga Sitio Ylaya, kinsa nakuhaan og usa ka gamay nga paketeng shabu; Jomar Batulan Hermocilla, 33 ug Javier Bancali, 33, nga taga Sitio Soong, Barangay Mactan, Dakbayan sa Lapu-Lapu.

Nagpatrolya ang team nila ni PO3 Fiel Restauro dihang namatikdan ang pundok sa mga lalaki nga nagsuyop og shabu apan nakadagan ang kadaghanan.  (BANAT NEWS)

ALFREDO BASILAN ANG ANG SPECIAL WEAPON AND TACTICS BARANGAY BALIBALI BARANGAY COGON-CRUZ BARANGAY LOOC DAKBAYAN DANAO NGA SAMTANG TUIG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with