CEBU, Philippines – Grabeng naangol ang usa ka tawo nga biktima sa pagpanunggab sa sulod sa Bogo Provincial Hospital sa Dakbayan sa Bogo atol sa pagduaw niini sa usa ka pasyente niadtong miaging adlaw.
Si Police Officer 2 Alexander Ancao Jr., imbestigador sa Bogo City Police Station miila sa biktima nga mao si Reynaldo Hermoso Lambitao, 37, nagpuyo sa Sitio Cordova, Barangay Dayhagon sa nahisgutang dakbayan.
Matud pa ni Ancao kalit mibutho ang suspek nga si Junjun Montillano, 38, taga Barangay Dakit sa maong dakbayan ug kalit gidunggab ang biktima sa tuong bahin sa gusok niini.
Dugang pa ni Ancao nga human sa maong pagpanunggab dali nga nakasibat ang suspetsado.
Ang kapolisan sa Bogo padayon pa nga nag-imbestigar sa maong kaso aron pagtino sa motibo sa maong krimen. – /EIM) (BANAT NEWS)