P1M na nagasto sa nadasmagan nga maestro
Rene U. Borromeo (Banat) - December 10, 2015 - 9:00am

CEBU, Philippines - Niabot na og kapin sa P1 ka milyon ang bayranan sa ospital niadto’ng maestro sa Banilad Elementary School nga nadasmagan sa sakyanan sa Cebu City Hall nga giisyu kang Konsehal Richie Osmeña.

Si Junrey Postis Sanchez, 39, taga Barangay Bacayan, Dakbayan sa Sugbo, gidala sa Chong Hua Hospital human kini nadam-agi sa sakyanan nga gimaneho ni Ronald Badajos niadto’ng Septiyembre 11.

Matud ni Osmeña nga ang Dakbayan sa Sugbo andam nga motubag sa iya’ng kaakuhan sa pagpatambal sa biktima sanglit ang Innova nga nakadam-ag gipanag-iya man sa siyudad.

Ubos sa lagda sa City Hospitalization Assistance and Medical Program (CHAMP), ang usa ka molupyo sa dakbayan maka-avail lang og financial assistance hangtud sa P25 mil.

Apan matud ni Osmeña nga inig balik niya gikan sa Conference on Climate Change sa Paris, France, makigtagbo siya sa tagtungod sa biktima.

Si Sanchez motabok unta sa karsada atubangan sa Banilad Elementary School diha’ng nadasmagan sa sakyanan nga nagpaingon sa downtown. Adunay mga nakasaksi nga nitug-an nga si Sanchez wala mosubay sa skywalk ug direkta kini nga nilabang sa karsada mao nga naigo siya sa sakyanan.  (BANAT NEWS)

 

ATILDE BANILAD ELEMENTARY SCHOOL BARANGAY BACAYAN CEBU CITY HALL CHONG HUA HOSPITAL CITY HOSPITALIZATION ASSISTANCE AND MEDICAL PROGRAM CLIMATE CHANGE DAKBAYAN KONSEHAL RICHIE OSME NGA OSME
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with