Namusil mao hinuoy napusilan sa polis

(Banat) - December 1, 2015 - 9:00am

CEBU, Philippines - Usa ka lalaki nga namusil ang napusilan usab sa mga polis diha sa Bascon St. Barangay Dumlog, Dakbayan sa Talisay kagahapon sa buntag.

Matud pa ni Police Officer 1 Joseph Bejer, desk officer sa Talisay City Police Station ang napusilan mao si Archem Dospueblos, 27, kinsa angkas sa usa ka motorsiklo nga gimaneho sa wala pa mailhing kauban niini.

Matud pa ni Bejer, si PO3 Ferdinand Pablo nga nitubag sa alarma nagkanayon usa ka Judy Cañizares, 34, taga Aldin Compound, Barangay Dumlog  kauban ang mga amigo maoy gipamusil sa suspek nga nag-angkas og motor samtang sila nagtabi diha sa daplin sa karsada, way naigo kanila.

Apan gidemalas ang suspek kay naatol maoy pag-agi ni PO1 Ranulfo Villaver nga nadestino sa Alegria nga nagpuyo sa nahisgutang lugar ug padung unta mo-duty ang nakabantay sa maong pagpamusil.

Daling miresponde si Villaver apan gipusil usab kini sa suspek hinungdan sa nahitabong pinusilay, misuway unta pag-ikyas ang mga suspek apan naigo si Cañizares ug natagak sa motor ug gibiyaan kini sa kauban.

Samdan sa walang paa ang suspek nga gidala sa tambalanan ug nakuha gikan kaniya ang usa ka .45 kalibre nga pistola nga adunay tulo ka bala.

Narekober sa crime scene mao ang lima ka basiyo sa .45 nga bala, duha ka deformed slug ug siyam ka  basiyo sa .9mm nga pusil.

Si Supt. Germano Mallari, hepe sa kapulisan sa maong siyudad miklaro nga igo lang nihimo sa iyang trabaho si Villaver. (BANAT NEWS)

ALDIN COMPOUND ANG ARCHEM DOSPUEBLOS ATILDE BARANGAY DUMLOG BASCON ST. BARANGAY DUMLOG FERDINAND PABLO GERMANO MALLARI JOSEPH BEJER JUDY CA NGA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with