^

Duha ka bata patay sa dengue

(Banat) - November 21, 2015 - 9:00am

CEBU, Philippines – Laing duha ka mga bata ang nakalas sa sakit nga dengue sa dakbayan sa Toledo  base sa labing ulahi nga talaan nga gipagawas sa Toledo City Health Department sa nakalabay nga semana.

Matud ni Antonio Layan, sanitary inspector sa siyudad, ang mga nakalas nagpangidaron og 7 ug 11 anyos nga pulos taga Barangay Luray Dos sa maong siyudad.

Nasayran nga sulod ning tuiga, tulo na ang namatay samtang kapin sa 100 usab ang natala nga kaso sa dengue ug anaa sa ikaunom nga pwesto ang Toledo lukop rehiyon.

Itandi sa nakalabay’ng tuig kapin sa 150 ka kaso sa dengue ang natala apan walay namatay.

Tungod niini mas gipahugtan ug gihingusgan sa maong buhatan ang kampanya batok sa makamatay nga sakit nga dengue.

Subsob nga information drive kalabot sa dengue ang ilang gipatuman, misting operation ug ang pag-awhag sa katawhan sa pagpanglimpiyo sa palibot.

Gisuroy usab sa city health ang mga tunghaan sa elementarya ug sekondarya alang sa ilang kampanya batok dengue.

Giawhag sa city health ang mga ginikanan nga kung adunay sintomas sa dengue ang ilang mga anak sama sa pagturok sa rashes, magsakit ang tiyan, magbalikbalik nga hilanat mas maayong dad-on kini dayon sa tambalanan.  (BANAT NEWS)

ANG ANTONIO LAYAN BARANGAY LURAY DOS DENGUE GIAWHAG GISUROY ITANDI MATUD NASAYRAN NGA TOLEDO CITY HEALTH DEPARTMENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with