CEBU, Philippines – Gipasakaan na og kaso sa Department of Environment and Natural Resources-7 ang 21 ka board of directors lakip ang tulo ka opisyal sa tulo ka korporasyon, tag-iya sa luna ug ang nagdumala sa property may labot sa pagpamutol sa 982 ka kahoy nga wala’y permit sa Barangay Talavera, Dakbayan sa Toledo alang sa solar energy project.
Ang mga gikiha mao ang siyam ka BODs ug opisyal sa Sunasia Energy Incorporated ug siyam ka BODs ug opisyal sa Sta. Clara International Corporation.
Ang First Toledo Solar Energy Corporation ang lakip sa gipasakaan og kaso.
Nasayran nga usa ka cease and desist order ang giluwatan sa DENR niadto’ng Oktubre 28 subay sa pagmando sa SEI pinaagi sa ilang project manager, Jose Enrique Tolentino, nga hunungon ang pagpamutol og kahoy.
Apan usa ka semana human maluwati ang duha ka CDO, nasuta nga nagpadayon gihapon sila sa ila’ng operasyon diin 2,190 cubic meters ang naputol nga kahoy nga nagkantidad og P18.5 milyones. – /GMR) (BANAT NEWS)