Davide, Sitoy wa pa magka-estorya
Brenda Batuto (Banat) - October 26, 2015 - 10:00am

CEBU, Philippines – Wala nagka-estorya sila si Bokal Arleigh Jay Sitoy ug Gobernador Hilario Davide III labot sa pagbiya sa Liberal Party sa nahauna.

Si Davide nibutyag nga sa wala pa ang pagsang-at sa certificate of candidacy, nisuway siya og tawag kang Sitoy apan wala’y nitubag sa iya’ng tawag.

Matud ni Davide nga nahibaw-an na lang niya nga si Sitoy nikandidato sa pagka-mayor sa lungsod sa Cordova ubos sa partido sa PDP-Laban.

Nabasahan na lang usab niya sa pamantalaan nga si Sitoy mosuporta kang Atty. Winston Garcia sa pagka-gobernador ubos sa One Cebu Party tungod sa ila’ng panaghigala.

Dugang ni Davide nga wala siya’y kalibutan kung nahiubos ba si Sitoy sa LP apan kaniadto pa kini’ng nipahibawo nga interesado kini’ng mobalik sa pagka-mayor sa lungsod sa Cordova.

Apan gitambagan kini sa grupo nga tiwason ang katapusang termino isip sakop sa Provincial Board aron dili sila magkabangga ug ang iya’ng amahan nga si Mayor Adelino Sitoy.

Ang igsuon ni Arleigh sa laing inahan nga si Bise Mayor Mary Therese Sitoy-Cho ang iya’ng ikaatbang sa pagka-mayor samtang si Adelino ang bise-mayor ni Cho ubos sa LP. – /GMR) (BANAT NEWS)

ACIRC BISE MAYOR MARY THERESE SITOY-CHO BOKAL ARLEIGH JAY SITOY CORDOVA GOBERNADOR HILARIO DAVIDE LIBERAL PARTY MAYOR ADELINO SITOY NGA ONE CEBU PARTY PROVINCIAL BOARD SITOY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with