_banat
^

Banat Balita

Yayoy mag-mayor sa Carcar

Brenda Batuto - Banat

CEBU, Philippines – Bisan sa kalibog karon sa mga sakop sa Liberal Party sa una’ng distrito sa probinsiya sa Sugbo, nipahibawo si Bokal Raul “Yayoy” Alcoseba nga modagan sa pagka-mayor sa dakbayan sa Carcar sa umaabot eleksiyon ubos sa mao’ng partido.

Matud ni Alcoseba nga ubay-ubay nga Carcaranon ang nihangyo kaniya nga modagan isip mayor sa siyudad sunod tuig.

Gisukna na usab siya ni Gobernador Hilario Davide III ug Bise Gobernador Agnes Magpale labot sa mao’ng plano.

Apan matud niya nga daghan pa usab kaayo siya og ikonsiderar lakip na niini ang pagpakigsabot niya sa iya’ng pamilya ug kinahanglan pa usab siya’ng mananghid sa ila’ng partido.

Si Mayor Necipuro Apura kinsa makapasubli pa sa ikatulo ug katapusang termino nagkanayun nga katungod ni bisan kinsa nga mokandidato basta kwalipikado.

Matud niya nga wala siya nahulga sa plano ni Alcoseba tungod kay ang mga Carcaranon mao’y magbuot kung kinsa’y pilion nila’ng magdumala sa siyudad.

Si Apura malaumon nga ang mga Carcaranon pabor kini kaniya tungod kay daghan na siya og nahimo’ng kaayuhan sa siyudad.

Gawas niini kanunay siya’ng makita sa katawhan nga naa lang nagpundo sa dakbayan ug naghatag kanunay og serbisyo ngadto sa iyang konstituwente. – /GMR) (BANAT NEWS)

ACIRC ALCOSEBA BISE GOBERNADOR AGNES MAGPALE BOKAL RAUL CARCARANON GOBERNADOR HILARIO DAVIDE LIBERAL PARTY MATUD NGA SI APURA SI MAYOR NECIPURO APURA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with