^

Belgian, Maestra nagpusil sa ulo

Jojo Ugdol ug Romeo T. Limpangog (Banat) - August 16, 2015 - 10:00am

CEBU, Philippines – Gituohang nagpusil  sa iyang kaugalingon ug namatay ang usa ka Belgian national sulod sa iyang sakyanan human kini nabangga kilid sa railings sa kalsada diha sa Sitio Bulucaue, Brgy. Casay lungsod sa Dalaguete niadtong nakalabay nga Sabado sa hapon.

Ang langyaw giila nga si Andre Josef Emiel Scheepmans, 54, nagpuyo sa Maghanay , dakbayan sa Talisay nga naminyo sa usa ka Filipina.

Matud pa ni Senior Police Officer 3 Cleto Pia, imbestigador sa Dalaguete Police nga nahinabi sa Banat News, gikan sa Boljoon ang langyaw nga naghakot sa iyang mga gamit sa diving shop sakay sa Toyota Inova human nga wala nagkasinabot sa iyang kasosyo nga laing langyaw.

Samtang paingon na pauli giingong aduna kini gilikayan sa kalsada hangtod nga didto kini mipasok sa railings sa kalsada nga bung-aw ang ubos nga bahin.

Sigun pa ni Pia nga ang asawa sa langyaw mitug-an kaniya nga nakahigayon pa sa pagtawag ang langyaw ug nagpahibalo nga siya nadisgrasya.  Pipila ka minutos ang milabay mi-text kini og “I love you.”

Mao na lang nadungog sa mga tawo sa lugar nga dunay hinay nga buto nga ilang nadungog sulod sa sakyanan ug sa ilang pagsubay nakabsan na sa kinabuhi ang langyaw.

Sumala pa ni Pia nga sulod sa sakyanan nakita nga naipit ang tiil niini ug ang iyang kamot naghawid sa .22 revolver.

Nagtuo ang kapulisan nga lagmit gium-om niini ang sumbohan sa armas ug nagpusil sa iyang kaugalingon kay nagkadugo man ang baba niini. Wala’y samad pinusilan sa lawas nga nakita ang kapulisan diin sila nagduda nga lagmit wala nakalapos ang bala sa ulo sa langyaw.

Nagduda usab si Pia nga  na-depressed kini gumikan sa iyang negosyo nga sumala pa mao’y panginabuhian sa langyaw.

Sa inisyal nga imbestigasyon sa kapulisan ilang gipadaplin nga dunay foul play ang maong hitabo kay wala ma’y kauban ang langyaw sulod sa sakyanan.

Sa laing bahin, patay ang usa ka maestra gikatahong naghikog sa sulod sa lawak sa panimalay sa iyang ugangan diha sa Brgy. Jubay, sa lungsod sa Liloan niadtong Sabado sa hapon.

Si Police Officer 3 Jesson Gayo sa Liloan Police Station miila  sa magtutudlo nga mao si Lucita Salobre Ughoc, 45,  taga Poblacion, lungsod sa Tuburan.

Matud pa ni Gayo nga base sa gitug-an sa bana nga didto kini sa tugkaran sa panimalay sa iyang ginikanan tungod kay nag-ayo sa ilang multicab dihang kalit lang nabati ang lanog nga buto sa armas.

Sa pagsubay niini sa lawak iyang nakita ang asawa nga nahagba na ug wala nay kinabuhi.

Way nahatag nga dugang impormasyon ang bana kun unsay hinungdan nga naghikog ang iyang asawa.

Girekomendar sa kapolisan nga ipaawtopsiya ang lawas sa namatay aron pagtino kun walay foul play sa kamatayon niini. – /EIM) (BANAT NEWS)

ANDRE JOSEF EMIEL SCHEEPMANS ANG BANAT NEWS BRGY CLETO PIA DALAGUETE POLICE IYANG JESSON GAYO LANGYAW LILOAN POLICE STATION NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with