CEBU, Philippines - Mga bata nga nagduwa og sigarilyo ang nakasunog sa mini-dumptruck nga gi-parking sa Talisay City Police Station.
Kini base sa resulta sa imbestigasyon sa Talisay City Fire Department sukwahi sa nahauna’ng pasangil nga si Mayor Johnny Delos Reyes ug unom ka kauban ang nagsunog hinungdan nga gipasakaan og kaso’ng arson.
Ang sakyanan gipanag-iya ni Mariel Nebria ug gidakop sa kaso’ng ilegal nga pagpanguha og graba ug bas.
Sa report ni City Fire Marshall, Senior Inspector Randy Mendaros, nga dunay tulo ka mga menor de edad nga mga libud-suroy ang nagduwa sulod sa mini-dump truck ug gituohang may nanigarilyo gumikan sa nahabilin nga upos. (BANAT NEWS)