CEBU, Philippines – Susihon sa Office of the Building Officials (OBO) sa dakbayan sa Toledo ang mga edipisyo ug mga buhatan sa gobiyerno kung luwas ba kini human sa laing linog nga niigo sa niagi’ng adlaw. Matud ni Architect Ferdinand Marquez nga andam sila sa pag-inspeksiyon sa mga buhatan ilabi na kun may reklamo kun pwede pa kini’ng okupahan.
Nagpaabot ang OBO nga may mohangyo kanila sa pagpahigayun sa inspeksiyon lakip na sa mga tunghaan. Gitay-og sa magnitude 4.7 nga linog ang Bohol sa niagi’ng adlaw ug nasinati usab sa pipila ka bahin sa Sugbo. Wala’y gikataho nga kadaut sa maong linog. – /GMR) (BANAT NEWS)