CEBU, Philippines – Gilusad sa Kapitolyo ang Barangay Legal Outreach Program sa lungsod sa Tuburan sa niaging semana.
Nitambong sa kalihukan sila si Gob. Hilario Davide III, Mayor Allan Adlawan sa Asturias; Bokal Celestino “Tining” Martinez III, presidente sa Liga ng mga Barangay sa probinsiya sa Sugbo; Provincial Legal Officer Orvi Ortega; Police Supt. Romer Daguno, hepe sa Scene of the Crime Operatives (SOCO) ug uban pa.
Ang mga barangay kapitan gitudloan bahin sa resolusyon ug ordinansa, ang mga Lupong Tagapamayapa gitudloan sa paghusay sa mga kaso ug mga sakop sa Barangay Peacekeeping Action Team ug mga barangay tanod gitudloan bahin sa sakto’ng pagdakop ug pagsilbi sa warrants ug paghimo og report sa krimen.
Si Tuburan Mayor Democrito Diamante nagpasalamat sa kalihukan ug nanghinaut nga gamiton sa mga opisyal sa barangay ang ilang nakat-onan. (BANAT NEWS)