CEBU, Philippines – Nabiktima sa tulo ka tulisan ang usa ka menor de edad sa sitio Sta. Ana, Poblacion, dakbayan sa Toledo ug nakuhaan sa iya’ng cellphone nga balor og P11 mil.
Ang 16-anyos nga biktima nga taga Magsaysay Hills, Poblacion, Toledo ang nisumbong sa buhatan sa kapolisan sa nahitabo’ng pagpanulis.
Asoy sa biktima nga gikan sa usa ka kalingawan ug paingon na’ng mopauli diha’ng pag-abot sa nahisgutang lugar kalit lang giduol sa tulo ka lalaki ug gikwelyuhan sa usa sa mga suspek samtang usa sa mga tulisan ang niti-on kaniya og kutsilyo.
Tungod sa kahadlok, gihatag sa biktima ang iya’ng Sony cellphone ngadto sa mga tulisan kinsa dali nga nisibat palayo sa lugar. – /GMR) (BANAT NEWS)