CEBU, Philippines – Ngitngit ang mga skywalk sa dakbayan sa Mandaue hinungdan nga mahadlok moagi ang mga tawo. Usa niini ang skywalk sa may eskina Sudlon, Maguikay diin gawas nga ngitngit panahon sa gabii, may mag-istambay sab nga mga lalaki hinungdan nga ang mga babaye sa ubos nalang molabang sa karsada.
Susama usab ang sitwasyon sa skywalk sa dalan A.C. Cortes Avenue, barangay Looc atubangan sa University of Cebu Lapu-Lapu and Mandaue.
Ang mga skywalk gitukod aron malikay ang mga tawo ilabi na sa kabataan ug mga tinun-an sa disgrasya sa paglabang sa karsada nga daghang sakyanan nga mangagi ilabi na sa mga national highway. – /GMR) (BANAT NEWS)