CEBU, Philippines – Bisan sa kusog nga hangin nga dala sa bagyong Ruby, dili susama sa bagyong Yolanda ang namugna nga kadaut sa elektrisidad.
Matud ni Department of Energy-7 Director, Engr. Antonio Labios, nga minus ug dali ra naayo ang mga linya sa kuryente ug poste nga nangatumba atol sa pagkuso-kuso sa bagyong Ruby.
Nasuta nga 47 lang ka poste sa kuryente nga iya sa Cebu Electric Cooperative II nga nag-supply gikan sa lungsod sa Compostela padulong sa Daanbantayan ang nangatumba.
Sigon ni Labios nga niadtong Lunes hingpit napaayo ang mainline sa kuryente ug kagahapong adlawa ang mga lateral line na lang padulong sa kabalayan ang gitrabaho.
Ang linya sa kuryente sa Isla sa Camotes ug Bantayan ang padayon sab nga giayo sa Camotes Electric Cooperative ug Bantayan Electric Company.
Pito ra usab ka poste sa Visayan Electric Company ang natumba o nadaut atol sa bagyo diin sagad niini nahimutang sa mga bukirang barangay sa siyudad sa Sugbo. Gipasalig sa kadagkoan sa VECO ug DOE nga mamahimong sadya ug hayag ang Pasko sa Sugbo ug ubang bahin sa Visayas ug dili makasinati og mga power interruption. – /GMR) (BANAT NEWS)