Kawatan nasakpan sa akto

CEBU, Philippines - Nadakpan sa akto ang usa ka tawo nga nisulod sa usa ka panimaye sa Saint Martin Village, Banilad, dakbayan sa Mandaue alas 9 pasado sa niaging Huwebes sa gabii.

Si SPO3 Antonio Descartin miila sa nadakpan nga si Simplicio Ilustrisimo, 27-anyos, taga sitio Tintay, Talamban, dakbayan sa Sugbo.

Matud ni Descartin nga natingala ang magtiayong Leomidez ug Yoly Arciaga sa paghidangat sa ilang panimalay nga nakamatikod sila og kasikas sulod niini.

Kini ang hinungdan nga nagdali sila sa pagpangayo og panabang sa mga barangay tanod nga maoy nisusi ug nidakop sa suspek.

Si Descartin miingon nga nagtinguha unta sa pagpangawat ang dinakpan sa mga mahalong butang sa magtiayon apan wala’y suwerte kay naabtan mismo sa tagbalay. (Romeo T. Limpangog/GMR)(BANAT NEWS)

Show comments