Ilad sa Facebook
Rosalinda L. Orosa (Banat) - October 4, 2014 - 12:00am

CEBU, Philippines - Nasikop sa kapulisan sa dakbayan sa Sugbo ang usa ka 21- anyos nga lalaki nga nagpatuo nga recruiter og mga babaye nga gustong mag modelo.

Ang nasikop taga Pari-an, apan nagpuyo na sa Banawa, Guadalupe sa dakbayan sa Sugbo kansang pangalan gipugngan hangtud nga di pa mapasakaan og kaso. Matud pa nagpaila siya nga Singaporean ug Chinese sa iyang mga biktima.

Duha ka mga batan-ong babaye ang mireklamo sa kapulisan human nga sila nagduda nga giilad sila sa suspek human kini nakakuha na og dul-an P4,000 apan wala pa gayod nadayon ang gisaad ni Chan nga “photo shoot” alang sa pagka modelo nila.

Si Mai, 17 anyos (di tinuod nga pangalan) mibutyag sa kapolisan nga naka-chat niya ang suspek sa Facebook ug gipangutana siya niini kung gusto ba kini mahimong modelo ug may sweldo nga P8,000.

Daling misugot si Mai ug gisultihan iyang inahan aron makapangayo og usa ka libo ka pesos nga pasiunang bayad sa P3,500 nga photo shoot ug modeling workshop.

Apan nahibulong na lang si Mai nga makapila na ka higayon nga nag-reschedule sa photo shoot ug workshop apan wala g’yud kini mahitabo.

Hangtud nga usa sa mga amiga ni Mai ang na-rekrut usab sa suspek, wa makahibalo ang suspek nga ang duha managhigala ug susama gihapong modus ang iyang gigamit apan ning higayona nagpaila siya nga usa ka Chinese national.

Matud pa nga gidasig pa sa suspek si Mai nga mo-recruit pa og laing mga babaye aron malibre na kini sa balayrunon. Tungod sa mga saad nga way klaro ug nangayo na usab og bayad ang suspek misumbong na ang mga biktima sa kapolisan.

Gilusad dayon ang entrapment operation sud sa usa ka coffee shop ug dihang gidawat niini ang gipangayo niya nga P4,000 gisignit dayon kini sa kapulisan.

Sa pakighinabi sa mga tigbalita  sa suspek miangkon kini sa pasangil ug mibutyag nga biktima ‘sab siya sa maong modus. Matud pa niya may langyaw nga nagsugo kaniya pag-recruit og mga batan-ong babaye.

Ang hepe sa Cebu City Police Office nga si Senior Superintendent Noli Romana mitambag sa mga inahan ug mga batan-on nga maghinayhinay lang sa mga sudlan nga negosasyon ilabi na kung maghisgot na og kuwarta. (Jojo C. Ugdol/EIM)(BANAT NEWS)

CEBU CITY POLICE OFFICE JOJO C MAI MATUD SENIOR SUPERINTENDENT NOLI ROMANA SI MAI SUGBO SUSPEK
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with