CEBU, Philippines - Patay ang usa ka 33-anyos nga lalaki human nakuryentihi sa sityo Sibayay I, barangay Cantabaco, dakbayan sa Toledo.
Giila ang biktima nga si Ronel Lodovesi, taga Nasipit, Talamban, dakbayan sa Sugbo ug nagtrabaho isip electrician sa JKS Crasher sa Toledo.
Sa imbestigasyon nila ni SPO3 Jose Dante Talandron, PO3 Elbert Dolino ug PO3 Jun Ian Alqueza sa Toledo City Police Station nasayran nga ang biktima nag-install og wire sa 2000 power control house alang sa main primary banking sa Cebu Electric Cooperative (Cebeco)-3.
Apan aksidente nga nagunitan sa biktima ang wire hinungdan nga nakuryentihan.
Daling gitabang ang biktima ug gidala sa Toledo City Hospital apan gideklarar sa attending physician nga dead on arrival.
Padayon usab nga nihimo og imbestigasyon ang kapolisan sa maong insidente. -/GMR) (BANAT NEWS)