CEBU, Philippines - Natanggong sa presinto ang usa ka Filipino American (Fil-Am) human nga giingong naaktohan sa usa ka polis nga naghithit og marijuana, pasado alas-3 sa kaadlawon sa parking area sa KTV bar sa Mango Square, General Maxilom Avenue, Camputhaw ning dakbayan sa Sugbo. Ang nasikop sa kapulisan naila nga si Mel Allego, 34, temporaryo nga nagpuyo sa Urgello Street, Barangay Sambag 2, lumad nga taga Palm Harbor, Florida USA. Matud pa ni PO1 Redgie Theo Chan sa Fuente Police Station maoy nakasikop kang Allego nga nahinabi sa Banat News paingon na unta siya nga mouli ug mokuha sa iyang motor nga gi- parking sa maong lugar sa dihang nakatimaho kini sa baho sa marijuana. Sa pagsubay ni Chan, iyang naaktohan nga naghitbit og marijuana si Allego sa ngitngit nga bahin sa parking area hinungdan nga iyaha kining gisitar. Apan ina’y motahan misuway kini og dagan apan nakuptan kini ni Chan ug inabagan sa guwardiya ilang nadakpan si Allego. Atol sa komosyon nasamdan si Chan sa iyang bukton.Nakuha gikan kaniya ang katunga sa stick nga marijuana. (BANAT NEWS)