CEBU, Philippines - Nanumpa sa katungdanan ang bag-ong mayor ug bise-mayor sa lungsod sa Alcantara atubangan ni Gobernador Hilario Davide III kagahapon.
Si Mayor Beatriz Caburnay ang nihulip sa namatay nga si mayor Fredo Cañete samtang ang numero unong konsehal nga si Fritz Lastimoso mao na ang bag-ong bise-mayor.
Sila si Caburnay ug Lastimoso parehong sakop sa partidong One Cebu sa niaging eleksiyon.
Apan si Davide sa iyang bahin nalipay nga nibali na ang duha ka opisyal sa Liberal Party nga iyang gipamunoan sa Probinsiya sa Sugbo.
Samtang ang mohulip sa nabakanteng pwesto sa konseho gumikan sa pagsaka sa posisyon ni Lastimoso magagikan sa One Cebu sumala pa ni Davide.
Si Caburnay nagtinguha nga mapalambo ang patubig sa lungsod nga maoy dakung problema sa katawhan sa pagkakaron. (BANAT NEWS)