CEBU, Philippines - Gipasidunggan si Talisay City Mayor Johnny De los Reyes kagahapon sa kagamhanan sa probinsiya sa Zamboanga del Norte tungod sa mga achievement nga nahimo sa mayor.
Si De los Reyes maoy nakadawat sa “2014 Saulog Achiever’s Award†nga gihatag sa hunta probinsyal sa Zamboanga del Norte nga nagsaulog sa ilang founding anniversary. Atol sa “Saulog†nga buot pasabot selebrasyon, ang kagamhanan sa probinsiya mohangop ug mohatag og pasidungog ngadto sa mga residente sa probinsiya lakip na ngadto sa ubang mga lokal nga kagamhanan ug pribadong sektor sa Zamboanga del Norte.
Ang mga hurado maoy mosusi sa mga background sa mga nominees sa ilang mga nahimong kaayohan sa ilang tagsa-tagsa ka field.
Si De los Reyes usa sa napilian tungod sa achievements niining nahimo sa natad sa public administration. Ang Saulog Achievers Awards Ceremonies gipahigayon kagahapon sa alas-4 sa hapon ngadto sa Bldg. A. Boulevard Function Hall, Dipolog City.
Niadtong buwan sa Marso niining tuiga si De los Reyes gihatagan kini og honorary degree nga Doctor of Humanities (Honoris Causa) sa Northwestern Christian University nga nagbase sa Florida sa Estados Unidos, award nga gikwestyon sa Commission on Higher Education. (BANAT NEWS)