CEBU, Philippines - Ang kadagkoan sa Cebu City Treasurer’s Office giawhag sa mga konsehal nga dili usa ipahatag ang honorarium sa mga Barangay Environmental Officers (BEO) nga walay “endorsement†gikan sa ilang kapitan.
Giuyonan sa mga sakop sa City Council ang resolusyon ni Konsehal Nida Cabrera nga nag-awhag sa pangulo sa BEO nga si Grace Luardo pagsumiter og listahan sa tanang BEO dinhi sa dakbayan.
Matud ni Cabrera nga ang kapitan sa Barangay Pulangbato nga si Maria Velasquez mireklamo nga adunay mga BEO sa iyang barangay nga wala mag-agi sa iyang opisina.
Si Konsehal Cabrera nagkanayon nga ang City Ordinance 2377 naglatid gayud nga ang mga sakop sa BEO nga idistino sa kabarangayan kinahanglan nga aduna g’yuy endorsement sa kapitan.
Ang mga sakop sa BEO maoy gitahasan sa pagpanakop sa mga tawo nga magpataka lang paglabay sa mga sagbot diha sa publiko nga dapit. (BANAT NEWS)