^

Banat Balita

Panagtagbo Festival sa Mandaue alegre

Romeo Limpangog - Banat

CEBU, Philippines - Ang street dancing sa Panagtagbo Festival sa dakbayan sa Mandaue gipahigayon kagahapon nga gisalmotan sa unom ka contingents gikan usab sa gi-cluster nga 27 ka barangay sa siyudad.

Ang makalingaw nga kalihukan gipahigayon sulod sa Mandaue City Sports and Cultural Complex sa Sitio Tribunal sa Barangay Centro maoy nagtapos sa kalihokan.

Pagsuwat niini’ng balita wala pa ikapahibalo ang resulta sa showdown kun kinsa ang maisip nga labing nindot nga pasundayag.

Ang street dancing ug showdown competition sa Panagtagbo Festival maoy kabahin sa indigay diin ang matag contingent mopakita sa ilang kahanas pagsayaw sa kadalanan pinaagi sa pag-ikid-ikid ug pagkiay-kiay dungan sa tugtog sa Panagtagbo Festival song.

Ang ilang pagsayaw nagsukad sa dalan Ariston Cortes Avenue ug misubay kini sa dalan S. B. Cabahug diin nagpahimutang ang mga maghuhukom nga maoy nag-aninaw kun kinsa kanila ang labing maayong mosayaw nga gantihan og salapi. Ang mga sakop sa Taga Mandaue Inc. maoy nagpasiugda sa indigay ug giabagan sila sa mga opisyal sa dakbayan.

Sagad g’yud unta nga ipahigayon ang Panagtagbo Festival  sa bulan sa Enero isip kabahin sa pagsaulog sa pangilin ni Senyor Santo Niño diin ang imahen dad-on sa Mandaue gikan sa dakbayan sa Sugbo.

Sanglit karon na man kini gihimo, maisip na kini nga kabahin sa kalihokan karong Mayo 8 atol sa tinuig nga pangilin ni San Jose, ang patron sa dakbayan sa Mandaue. (BANAT NEWS)

ARISTON CORTES AVENUE

BARANGAY CENTRO

MANDAUE

MANDAUE CITY SPORTS AND CULTURAL COMPLEX

PANAGTAGBO FESTIVAL

SAN JOSE

SENYOR SANTO NI

SITIO TRIBUNAL

TAGA MANDAUE INC

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with