CEBU, Philippines - Ang Armed Forces of the Philippines-Central Command wala matandog sa mga pasangil sa magtiayong Tiamzon kinsa nangangkon nga ang mga armas nga nakuha sa ilang posisyon planted sa mga awtoridad dihang sila nasikop sa dakbayan sa Carcar sa miaging buwan.
Si Maj. Gen. John Bonafos, CentCom commander, mibutyag nga sila si Benito ug Wilma Tiamzon adunay katungod sa pagdepensa sa ilang kaugalingon sa korte.
“We live in a democratic country and if that is their desire then let it be,†matud ni Bonafos.
Siya midugang nga desisyon na sa prosecutor o sa judge kung ilang dawaton o ibasura ang motion for judicial determination of probable cause ug ang outright dismissal of the complaints for violation of the comprehensive firearms and ammunition and regulation act ug ang illegal possession of explosives.
Ang magtiayon nga pulos mga high-ranking leaders sa Communist Party of the Philippines- New People’s Army (CPP-NPA) lakip ang ilang mga kauban nga sila si Nona Castillo, Jeosi Nepa, Joel Enano, Arlene Panea, ug Rex Villaflor nag-atubang og kasong kriminal sa Regional Trial Court sa dakbayan sa Toledo.
Gusto sa depensa nga i-dismiss ang kaso human matud pa nga ilegal ang pag-aresto kanila ug wala usab silay gihimong ilegal sa dihang gisikop sila. (BANAT NEWS)