Tulisan gipasakaan og kaso
Romeo Limpangog (Banat) - April 23, 2014 - 12:00am

CEBU, Philippines -  Usa ka suspetsadong tulisan kinsa gipasanginlang nanulis sa pasahero sa PUJ diha sa dalan A. S. Fortuna, Barangay Banilad, dakbayan sa Mandaue gipasakaan na og kasong robbery. Ang maong insidente sa pagpanulis nahitabo niadtong Domingo sa tungang gabii diha sa nahisgutang dapit.

Ang biktima giila nga si Roel Rallon, 25-anyos taga Sitio Orel, Barangay Banilad. Ang suspetsado mao si Ralfh Jesson Macion, 28, taga Bontores, Barangay Basak, dakbayan sa Sugbo.

Si SPO4 Fernando Gabutero sa Station 4 sa Mandaue City Police Office mibutyag nga si Macion kinsa giingong uban sa laing duha ka wala mailhing lalaki mition og armas sa biktima ug gikuha sa mga suspetsado ang duha sa cellphone lakip na ang pitaka ni Rallon nga wala matino ang kantidad sa kuwarta nga sulod niini.

Ang biktima ug drayber sa PUJ nakapangayo og panabang sa mga polis ug tanod nga nagpatrolya hinungdan nga gigukod ang mga tulisan apan si Macion lang ang naabtan kinsa giingong kalma kaayong naglakaw diha sa karsada. 

 Na-recover   gikan sa bulsa sa suspetsado ang mga cellphone sa biktima apan wala na ma-recover ang pitaka niini.  (BANAT NEWS)

BARANGAY BANILAD BARANGAY BASAK BONTORES DOMINGO FERNANDO GABUTERO MACION MANDAUE CITY POLICE OFFICE RALFH JESSON MACION ROEL RALLON SITIO OREL
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with