CEBU, Philippines - Ang suga sa mga sakyanan kinahanglang magdungan g’yud og siga ang atubangan ug sa iyang luyo. Aron kini mahimo, kinahanglan nga usa ra ang switch, dili buwag.
Ang ubang sakyanan, ilabi na ang mga PUJ, gibuwag-buwag ang switch para sa headlight, lain usab nga switch para sa likud. Ang drayber ra ang magbuot hain ang iyang pasigaon.
Resulta, usahay madakpan ang drayber kay wala pasigaa ang suga sa sakyanan samtang nagpadagan panahon sa gabii.
Ang balaod naglatid nga gikan sa pagsawop sa adlaw ug hangtud sa inighayag na pagkaugma sa buntag, pasigaon g’yud ang suga kun magdagan ang sakyanan.
Kadtong dili mopasiga mahimong dakpon ug pamultahon, reckless driving. (BANAT NEWS)