CEBU, Philippines - Duha ka lalaki nga menor de-edad nga nagsakay og motor nakabangga og usa ka Sports Utility Vehicle (SUV) ug nasakpan hinoon nga usa kanila nagdala diay og armas nga walay lisensya.
Ang nadakpan gitago lang ang mga ngalan kay mga batan-on apan sila taga Barangay Guadalupe.
Ang duha nagsakay og Honda Wave nga motor nga may plate number 7R-1516 ug mibangga sa Mitsubishi Montero nga gimaneho ni Cabilao.
Nakuyapan ang duha ka batan-on hinungdan nga gitabang kini sa kapolisan ug sa mga mulopyo sa maong dapit mao nga nakit-an nga ang usa kanila may dala nga kalibre 38 nga revolver.
Daling gidala sa mga sakop sa Basak Pardo Emergency Response (BPER) ang duha ka menor de-edad sa tambalanan.
Human nga nakagawas sa tambalanan ang duha gidala sila sa Punta Princesa Police Station aron mapasakaan og kaso. (BANAT NEWS)