CEBU, Philippines - Gipasalig sa Department of Social Welfare and Development sa Central Visayas (DSWD-7) nga ang mga dapit nga bakwitanan alang sa mga Internally Displaced Persons (IDP) luwas sa peligro. Matud pa ni DSWD-7 Regional Director Mercedita Jabagat nga nag-unang responsibilidad sa host o moalagad nga Local Government Unit (LGU) mao ang pag-atiman sa maayo ug luwas nga kapuy-an alang sa mga pamilya ug indibidwal nga gikan pa sa dagkong kahasol gumikan sa bagyo.
Alang kang Jabagat nga ang LGU maoy mohatag og evacuation center, samtang ang DSWD mao usab ang mopahigayon og technical assistance.
Gipadayag ni Jabagat nga ang kinatibuk-ang operasyon alang sa mga centro gidumala sa LGU, apan anaa usab ang DSWD nga misuporta kanila. (/WC)(BANAT NEWS)