Piso Mo, Ospital Ko ipadayon

Rene U. Borromeo ug Chester Abadilla/WC (Banat) - November 28, 2013 - 12:00am

CEBU, Philippines - Si Mayor Michael Rama mimando nga ipadayon sa dakbayan sa Sugbo ang gilusad nga “Piso Mo, Ospital Ko” Fund Campaign nga pagpangayo og donasyon gikan sa publiko aron kini magamit pagpatukod og bag-ong ospital sa dakbayan.

Ang hukom ni Mayor Rama pagpadayon sa pagpangolekta og donasyon gikan sa publiko gibasi sa legal opinion ni City Legal Officer Jerone Castillo nga ang mga Local Government Units (LGU) dili na kinahanglan nga mangayo pa’g permit kun mangolekta og donasyon sa publiko alang sa “public purpose.”

Si Deputy Ombudsman for the Visayas Pelagio Apostol sayo pa miawhag sa mga opisyal sa dakbayan sa Sugbo nga sundon ang balaud nga mangayo og permiso sa kadagkoan sa Department of Social Welfare and Development (DSWD) kun mangayo og donasyon gikan sa publiko.

Si Apostol nagkanayon nga kinahanglang tumanon usab sa mga opisyal sa dakbayan nga himoan gayud og mga resibo kun adunay mohatag og donasyon bisan og kantidad lang sa peso ang ihatag nga hinabang.

Matud ni Florito Carlo Dugaduga, public information officer sa dakbayan sa Sugbo, nga ang mga plastic gallon nga butangan sa mga donasyon gikan sa katawhan dad-on sa iyang opisina matag hapon ug iphon atubangan sa mga kawani sa City Treasurer’s Office.

Gipasabot ni Dugaduga nga resibohan gayud sa City Treasurer’s Office ang kantidad nga maihap nila gikan sa mga plastic gallon. (BANAT NEWS)

CITY LEGAL OFFICER JERONE CASTILLO CITY TREASURER DEPARTMENT OF SOCIAL WELFARE AND DEVELOPMENT FLORITO CARLO DUGADUGA FUND CAMPAIGN LOCAL GOVERNMENT UNITS SUGBO
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with