CEBU, Philippines - Patay nang napalgan ang 62-anyos nga ginang nga dunay samad pinusilan sa ulo taliwa sa iyang umahan sa bukirang bahin sa barangay Tag-amakan sa lungsod sa Asturias niadtong Lunes sa alas 11:00 sa buntag.
Ang biktima mao si Julia Trazona Baliguat, biyuda, nagpuyo sa maong lugar, samtang gipangita karon ang silingan niining si Berto Bughao kinsa maoy gitumbok nga mipatay sa biktima.
Matud ni SPO1 Jose Claro Hoyohoy sa Asturias Police Stationnga nahinabi sa Banat News nangguna sa iyang umahan ang biktima dihang giingong gisulong sa suspek ug gipusil.
Gidudahan nga dunay panagbingkil ang duha tungod sa yuta nga ilang gitikad. Ang suspek daling miikyas human sa hitabo. (BANAT NEWS)