CEBU, Philippines - Usa ka lalaki patay human kini gipusil ug gidunggab diha sa Sitio Kalubihan, Brgy. Sangat San Fernando.
Ang biktima giila nga si Mike Rosnel Bacus, 34, residente sa maong dapit. Matud pa ni PO3 Edgar Mantalaba, si Bacus gikan nagpalit og diaper ug sigarilyo dihang kalit nga giduol sa usa ka lalaki gipusil kini.
Ang biktima nakaangkon og duha ka samad dinunggaban sa dughan ug daghang samad pinusilan sa nawong, liog, ug ibabaw nga bahin sa lawas hinungdan sa kamatayon niini.
Atol sa imbestigasyon, posibleng improvised shotgun o pugakhang ang gigamit sa pagpusil kaniya.Wala pa matino ang motibo sa pagpatay. (BANAT NEWS)