Pingris nadismaya sa kapildihan sa star sa game-1 batok Meralco
CEBU, Philippines — Dismayado si Star Hotshots veteran star Marc Pingris sa ilang kapildihan batok sa Meralco Bolts sa Game-1 sa ‘best-of-five’ semifinals series sa PBA Governors’ Cup niadtong Domingo.
Matud ni Pingris nga huyang ang depensa sa iyang mga kauban hinungdan nga nakuha sa Meralco ang come-from-behind nga kadaogan.
Ang Star naglabaw og 17 puntos sa third period, apan migukod ang Meralco aron morehistro og 72-66 nga kadaogan.
Si Pingris, usa sa labing ngilngig nga rebounder ug defender sa liga miawhag sa iyang kaubanan nga hugtan ang depensa aron makabawi sila sa Game-2 karong gabii didto sa Sta. Rosa
Sports Complex sa Laguna.
Bantayan sa Star karon mao ang reigning Best Import nga si Allen Durham nga miburak og 23 puntos bisan pa og adunay injury. (BANAT NEWS)
- Latest