Meralco import dili kaduwa sa game-1

CEBU, Philippines — Magpas-an karon og dakong suliran ang Meralco Bolts kay ang ilang  sangkaon  ang  Star Hotshots sa semifinals  sa  PBA  Governors’  Cup. 

Ang Bolts miabante sa semis human  gitagak ang Blackwater Elite, 104-96 sa miaging gabii.

Hinuon, ang maong kadaogan adunay bug-at nga sukli dihang na-injured sa tuong tiil ang reigning Best Import nga si Allen Durham.

Si Durham wala katiwas sa duwa ug giagak nga nagtakiang paingon sa locker room human  aksidenteng nakatunob sa tiil ni JP Erram sa Blackwater gikan sa rebound.  Si Durham maglisud pagduwa sa Game-1 sa ilang best-of-five semifinal series nga sugdan ugma didto sa Alonte Sports Center. (BANAT NEWS)