Super Typhoon Bavi gibantayan sa PAGASA
CEBU, Philippines — Gibantayan sa PAGASA kaning super typhoon nga naa pa sa gawas sa Philippine Area of Responsibility (PAR).
Base sa alas-3 sa hapon, Hulyo 5, nga bulletin, ang PAGASA niingon nga ang super typhoon Bavi (international name) naa karon sa 2,575 kilometro sa silangang bahin sa Southern Luzon nga nagdala og kinakusgang hangin nga 205 kilometro kada oras ug nag-iro padung sa amihanang kasadpan sa gipaspason nga 20 kilometro kada oras, nagdala kini og haguros sa hangin nga 240 kph. Sa laing bahin, ang pipila ka bahin sa nasud karon makasinati og mag pag-ulan tungod sa easterlies ug localized thunderstorms.
Ang Cagayan Valley, Bicol Region, Eastern Visayas, Aurora, Quezon ug Dinagat Islands makasinati og usahay panganuron ngadto sa mapanganurong kalangitan nga dunay katag-katag nga mga pagulan, panugdog ug kilat tungod sa easterlies.
Mipasidaan ang PAGASA sa mga residente anang mga lugara nga magbantay sa posibleng mga pagbaha ug landslides atol sa pagbunok sa kusog nga uwan. — /IBM (BANAT NEWS)
- Latest
