Pagtrabaho sa mga sapa nga naguba sa bagyo gipaspasan

CEBU, Philippines — Gimando ni Department of Public Works and Highway Secretary Vince Dizon ang pagpahuman sa trabaho sa mga dagkong sapa sa Sugbo sa dili pa ang buwan sa Hunyo.

Sa iyang pagbisita sa Sugbo niadtong Miyerkules gipadayag niini nga anaa na sa 50 porsyento ang ilang reconstruction sa mga nangaguba nga kasapaan human sa bagyong Tino. 

Ang Regional Director sa DPWH nisaad kang Dizon nga mahuman ang pag pahiuli sa kasapaan dili lang sa Mananga River apan apil na ang Butuanon ug Cotcot sa dili pa ang ting-ulan sa buwan sa Hunyo.

Dugang pa ni Dizon, mas nag-una sila sa gikatakda nga schedule hinungdan nga gigamit nila ang summer sa pagpaayo sa mga nangaguba sa bagyong Tino.

Gibutyag usab Dizon nga sa iyang pag inspeksyon sa Talisay sulod sa tulo ka higayon iyang gipanglantawan nga matapos ang pagtrabaho sa dili pa ang target nila sa buwan sa Hunyo.

Si mayor Gerald Anthony “Samsam” Gullas maoy nagsugod sa pagpalawom sa sapa pinaagi sa pag abang og heavy equipment ug sila gitabangan sa taga DPWH.

Sigon pa ni Gullas nga gikubkob nila ang walang bahin sa sapa diin mga panimay kini kaniadto nga nabanlas.

Ang yuta nga kinubkob ang gibutang sa tuo nga bahin sa sapa kay adunay plano nga himoan kini sa syudad og eco-park aron nga dili na matukoran og mga pinuy-anan. Gabriel C. Bonjoc, MEL BANAT NEWS