Gullas top 2 sa pagpahigayon og maayong serbisyo
CEBU, Philippines — Si Talisay City Mayor Gerald Anthony “Samsam” Gullas, Jr. ang top 2 sa pagpahigayon og maayong serbisyo ngadto sa mga Talisaynon.
Kini mao ang nigawas nga resulta sa survey nga gihimo sa RP-Mission and Development Foundation Inc. (RPMD).
Si Gullas nabutang kini sa top performing mayor sa Pilipinas nga nakakuha og 91.54 porsyento nga average.
Ang maong survey gihimo niadtong sa Septiyembre 20 ngadto sa 30 niining tuiga.
Si Gullas kinsa nagsaulog sa iyang adlaw nga natawhan kagahapon ang nipadayag sa iyang kalipay sa maong taho.
Matud ni Gullas nga ang kalamposan niya, kalamposan usab sa matag empleyado sa Dakbayan sa Talisay nga nihimo sa ilang maayong serbisyo ngadto sa mga Talisaynon.
Gilakbit niya Gullas ang iyang pasalamat ngadto kang Bise Mayor Richard Francis “Choy” Aznar ug sa konseho, department heads ug uban pa nga iyang katambayayong sa paghatag og serbisyo ngad sa mga Talisaynon. (BANAT NEWS)
- Latest
