Mga nidaog sa BSKE sa  Naga gitapok ni Chiong

CEBU, Philippines —  Gitapok ni Mayor Valdemar Chiong sa Dakbayan sa Naga ang bag-ong napili nga  opisyales sa matag barangay sa siyudad.

Tumong ni Chiong nga mahimamat ang mga napiling opisyal sa nilabay’ng Barangay ug Sangguniang Kabataan Election (BSKE).

Si Chiong nipaabot sa iyang pagtimbaya ug nipasalig kini sa pagsuporta ngadto sa nahisgutang opisyales sa ilang mga plano sa ilang matag barangay.

Nanghinaot si Chiong nga ang maong mga opisyal mo suporta usab sa iyang pagdumala sa siyudad. Nitambong sa maong panagtapok ang mga kapitan, konsehales ug mga opisyal sa Sangguniang Kabataan (SK).

Dugang ni Chiong nga ang pakigtambayayong makakuha og maayong resulta sa ilang pagpalambo sa Naga.

Ang Dakbayan sa Naga gilangkuban kini sa 28 ka barangay nga mao ang Alpaco, Bairan, Balirong, Cabungahan, Cantao-an, Central Poblacion, Cogon, Colon, East Poblacion, Inayagan, Inoburan, Jaguimit, Lanas, Langtad, Lutac, Mainit, Mayana, Naalad, North Poblacion, Pangdan, Patag, South Poblacion, Tagjaguimit, Tangke, Tinaan, Tuyan, Uling ug West Poblacion. (BANAT NEWS)