Sunog nagbilin og P1 milyones nga danyos

CEBU, Philippines — Usa ka panimalay ang hingpit nga naugdaw sa sunog nga niulbo sa may First Street, Forest Hills, Banawa, Barangay Guadalupe ning Dakbayan sa Sugbo kagahapon Domingo sa buntag.

Ang sunog naglambigit ug residential nga giingong gipuy-an nila ni Basil Cabaral. Ang alarma sa sunog nadawat sa kabomberohan alas 10 pasado sa buntag ug giisa lang kini ngadto sa 1st Alarm.

Nakontrolar ang maong sunog paglabay sa pipila ka minutos ug walay nataho nga nakalas o naangol sa maong insidente. Apan nagbilin kini og gibana-banang P1,080,000 nga danyos.

Ang kabomberohan nga gipangulohan sa imbestigador Fire Officer 3 Fulbert Navarro, mihimo pa ug imbestigasyon may kalabutan sa hinungdan sa pag-ulbo sa maong sunog. — /IBM (BANAT NEWS)