Gipasanginlang kawatan, gitigbas

CEBU, Philippines —  Nasamdan ang usa ka 41 anyos nga lalake human kini gitigbas ug gidunggab kay gituohang maoy nagkuha sa manok diha sa Purok San Isidro, Sitio Upper Banica, Barangay Banban, Dakbayan sa Bogo pagka Biyernes sa buntag.

Giila ang biktima nga si Efren Olila Parpado alyas Onyot, 41, mag-uuma ug residente sa naasoy nga lugar samtang ang suspeck mao si alyas Lito, 54-anyos. Nahitabo ang insidente alas 6 sa buntag adtong adlaw’ng Biyernes ug na-report kini alas 7:40 sa samang adlaw.

Sa imbestigasyon Bogo City Police Station pinangulohan ni Police Lt. Col. Joan Arnoco nga ang biktima ug ang suspek nagkalalis pagka Huwebes sa gabii kay gipasanginlan sa naulahi ang biktima nga maoy nagkawat sa manok niini.

Pagkasunod adlaw, wala pa matagbaw ang suspek ug gisulod biktima sa balay niini ug  gikathong gitigbas kini sa makadaghang higayon ang biktima ug giduslak ang wala nga bahin sa tiyan niini ug karon padayon pa nga giatiman sa tambalanan.

Matud ni Arnoco ang suspek human nabuhat ang krimen mitahan sa iyang kaugalingon ug dala niya ang gigamit nga hinagiban pag tigbas ug pagdunggab sa biktima. (BANAT NEWS)