Heritage District Ordinance aprubado na
CEBU, Philippines — Pormal na nga gipirmahan sa niaging gabii sa opisyales sa Dakbayan sa Sugbo nga gipangulohan ni Mayor Michael Rama ang ordinansa nga nag-umol og Cebu City Heritage District kun diin tumong niini mao ang pagpreserbar sa kaabunda sa dakbayan kun maghisgot og kultura ug ubang makasaysayanong mga butang.
Nalakip usab sa maong napasar nga ordinansa mao ang pag-mugna og Cebu City Heritage District Council nga gilangkoban sa mga representante sa multi-sectoral groups , business group , gobyerno ug uban pa.
Nahisulod usab heritage district mao ang target nga himoon ang siyudad nga usa ka top tourist destination nga nakasentro sa adunahang kultura ug kasaysayan niini.
Si Bise Mayor Raymond Garcia, kinsa maoy chairman sa Cebu City Cultural and Historical Affairs Commission (CHAC) maoy nangulo sa pag-umol sa maong ordinansa.
Nalakip pud sa tumong niini mao ang pag- promote sa turismo, pagtabang sa pagpasaka sa ekonomiya , pagpalambo sa urban landscapes, pagpausbaw sa lokal nga mga kasinatian, ug ang pagmintinar sa nindot nga imahe sa dakbayan.
Pipila sa mga area sa Cebu City Heritage District mao ang intersection sa V. Rama Ave. Ug dala N. Bacalso Street, paingon sa dalan P. del Rosario Street, ngadto na sa Imus , ingon man usab sa interseksyon sa General Maxilom Ave. ug Tejero Creek.
Kabahin usab niini CPA shoreline ngadto sa boundary line sa Barangay Sto. Niño, ug sa shoreline didto sa Quezon Blvd.
Nalakip pud ang Abellana Street, ang interseksyon sa Gen. Gines Street, R. Magsaysay Street, JM Basa Street, ug sa dili pa ang starting point sa V. Rama-N. Bacalso nga interseksyon.
Aduna pu’y heritage buildings ug landmarks nga nagpakita sa landscapes sa kultura . — IBM (BANATNEWS)
- Latest