CCPO, CPPO nangandam na sa Misa de Gallo
CEBU, Philippines — Andam na ang kapulisan sa Siyudad ug Probinsiya sa Sugbo alang sa Misa de Gallo nga magsugod na karong Disyembre 16, 2022 nga kabahin sa pagsaulog sa Pasko.
Matud ni Police Col. Ireneo Dalogdog, Director sa Cebu City Police Office nga 35 ka dagkong simbahan ang ilahang na-identify nga pabantayan og mga polis ingon man mga force multipliers.
Gitataw ni Dalogdog nga dili lang mga simbahan ang gitutukan sa ilahang deployment apan apil na sab ang kadtong mga vital installations sama sa pantalan ug terminal ingon man ang mga dapit nga dugukan og daghang tawo.
Samtang si Police Col. Rommel Ochave, Provincial Director sa Cebu Police Provincial Office (CCPO) mibutyag sa usa ka adlaw sa dili pa ang Simbang gabi i-deploy na dayon nila ang mga polis aron masiguro ang kaluwasan sa mga manibahay ingon man hapsay ug malinawon nga mapahigayon ang Simbang gabi.
Gawas niini magbutang sab sila Police Assistance Desk duol sa mga simbahan nga pwedeng duolan sa mga tawo kun sila dunay mga pangutana o kaha emerhensiya.
“Actually yung deployment natin particularly sa seaports, bus terminal doon sa Simbahan one day before Simbang magde-deploy na tayo diyan to check yung area na rin kung ano yung issues doon at we will establish na rin ng ating Police Assistance Desk,” asoy ni Ochave.
Si Police Regional Office(PRO)-7 Director Brigadier General Roderick Augustus Alba miasoy magdepende sa kada assessment sa mga commander kun magdeklarar naba og full alert status.
Kay gilauman nga mosaka ang krimen sa ingon ani nga panahon maong kinahanglang i-assess ug reassessment ang kapulisan depende sa gidaghanon sa mga tawo nga moadto sa mga lugar ug simbahan. “Definitely we will tap the resources of the stakeholders particularly the force multipliers, the local government units to assist us. When the Oplan Kapaskohan was already and approved it all started already the start of December and this will be hanggang Sinulog nato,” dugang pagpasabot ni Alba. (BANAT NEWS)
- Latest
