13 Ka brgy sa Mandaue wa
CEBU, Philippines — Gihangop sa kagamhanan sa Dakbayan sa Mandaue nga wala nay natala nga nagpositibo sa coronavirus disease ang 13 sa 27 nga kinatibuk-ang barangay sa siyudad.
Kini base usab sa monitoring niadtong Biyernes Disyembre 3, 2021 diin 14 na lamang ka mga barangay ang adunay natala nga kaso sa COVID-19.
Naglakip sa mga barangay nga zero o walay mga natala nga bag-ong kaso sa COVID-19 mao ang Barangay Alang-alang, Bakilid, Basak, Casili, Centro, Guizo, Labogon, Mantuyong, Tabok, Tawason, Tingub, Tipolo ug Umapad.
Samtang adunay tagsa ka mga aktibong kaso sa covid-19 nga mga brangays mao ang Cabancalan, Cambaro, Canduman, Casuntingan, Cubacub, Ibabao, Jagobiao, Maguikay, Opao, Pagsabungan ug Subangdaku.
Adunay tagduha usab ka aktibong kaso sa COVID-19 ang Barangay Looc ug Barangay Paknaan,samtang tulo ka aktibong kaso usab ang natala sa Barangay Banilad
Bisan pa sa padayon nga pagkunhod sa gidaghanon sa mga nataptan sa COVID-19 sa dakbayan sa Mandaue nanawagan gihapon ang mga opisyal sa maong dakbayan nga gipangulohan ni Mayor Jonas Cortes ngadto sa Mandauehanon nga ipadayon ang pag-obserbar sa health ug safety protocols.
Kini naglakip na sa pagpanghugas sa kamot, social distancing ug ang pagsul-ob kanunay sa face mask sa paggawas sa panimalay. - MEL (BANATNEWS)
- Latest