Duna nay ‘lead’ sa Cortes–slay
CEBU, Philippines — Duna nay mga personalidad nga gisubay ang mga imbestigador isip mga ‘lead’ sa nagpadayong imbestigasyon luyo sa pagpatay sa komentaristang si Rey Cortes niadtong adlaw nga Huwebes.
Mao kini ang nahipos nga impormasyon sa pangulo sa Special Investigation and Task Group (SITG) that Police Colonel Josefino Ligan, director sa Cebu City Police Office (CCPO). Si Police Lt. Colonel Wilbert Parilla, hepe sa Operations Branch sa CCPO mitug-an sab nga human sa ilang tigom sa SITG nakigtigom sab sila sa Presidential Task Force in Media Security.
“And then ganinang buntag during the meeting all the members of the SITG is given time this Thursday, to submit all the documents considering all the documents considering some of the certifications specially sa medico legal and results of ballistics, is not yet given,” si Parilla miingon.
Duna na sab silay nakuhang mga video footage sa CCTV nga gituohan nilang makatabang sa imbestigasyon.
“Duna na ta’y mga persons of interest nga gi-focus kung posible ba nga mahimo nato nga suspects,” si Parilla miingon.
Kining maong mga gitan-aw nga mga personalidad giingong posibleng may motibo pagpapatay kang Cortes tungod sa pagka-komentarista niini, samtang ang uban dunay personal nga kalambigitan kang Cortes, ingon man ang kalabotan sa sabong.
Apil sa nakahatag na og testimoniya mao ang duha ka bodyguards ni Cortes kinsa parehong wala makuhai og armas sa kapolisan.
Si Cortes gipusil patay sa wala mailhing mga tawo diha sa gawas sa DYRB Radio station pagkahuman sa iyang programang ‘Engkwentro.’ – IBM (BANATNEWS)
- Latest
